Mihringah hian rul chuk haw lo an awm em? mi thenkhat rulin a chuk a a rul zawk a thi tih an sawi thin hi eng nge a chhan? Rul chuk vanga thi te hi ni thum hnuah an harh chhuak leh thei tih hi a dik em?

 Mihringah hian rul chuk haw lo an awm em? mi thenkhat rulin a chuk a a rul zawk a thi tih an sawi thin hi eng nge a chhan? Rul chuk vanga thi te hi ni thum hnuah an harh chhuak leh thei tih hi a dik em?
    Rul hi chi hnih, tur nei leh nei lo an awm a. Tur nei lo chi rul thenkhat hian ngho an nei ve tho va, chutiang ang rul chuk chu tuman an haw lo. Tur nei chi chuk erawh hi chu haw lo an awm lo thung a ni. Rul tur nei chiin mihring a chuk hian a tur kha mihringah a kap lut tam dan a zirin thhpui leh thihpui lo an awm thin. Rul tur nei chiin mihring a chuk hian a tur chhuak lova chuk a awm thei bawk a, a tur a chhuah loh a vangin mihringin an haw lo a, a tur a kah chhuah erawh chuan haw lo mihring a awm theih loh.
    Rul tur hi proteins chi khat a ni a, thisena a luh loh chuan a hlauhawm lova. Mihringin lo in ta pawh nise chaw kawngah emaw pum puiah emaw pem a awm loh chuan a hlauhawm loh. Kan chaw pai tawihna (digestive system) khan a tur hi a tichhe vek thin a. Amaherawh chu pem a lo awm palh hlauh chuan a hlauh awm em em thung a ni.
    Rul in mihring a chuk hian a rul zawk a thi thin an tih hi thil vang tak a ni. A tlangpui thuin Rultuha kan tih te hi an ni ber a. Rultuha ngho hi rul dang ngho aiin a kawm nasa bika, mihring emaw thil nung dang emaw a han chuk khan a tur kha kap lut lovin ama ka emaw ama taksa emawah khan pem lo neise, a thisenah kalin ama tan tur a nih ve tho a vangin a thihpui thei. Lo lem ta se, a chaw kawngah pem a neih loh chuan a hlauhawm lo a, a chaw pai tawihna (digestive system) khan tur a nihna kha a tichhe vek thin.
    Rul chuk vanga thi te hi ni thum hnu-ah an lo nung leh thin tih hi inbumna mai mai a nih a rinawm. Chalkai tlangah zawhte ki nei a awm a, a hmu tawh chu an thi zel, mahse tuma’n an la hmu lo tih ang chauh a nih hmel. Rulin a chuk a vanga thi te hi rul tur vanga thi an ni a, an taksa khawl zawng zawng a thih tawh avangin lo harh chhuak leh chi an ni lo ang, Lal Isuan a kaitho a nih ngawt loh chuan. Hman kum lawk khan Churachanpur-ah rul chuk hlum mi pakhat, ni thum hnuah a dam chhuak leh dawn an tih avangin ni thum an nghak a, a lo harh chhuak ta lo chu a nih kha. Hetiang thil hi khawvelah a awm thu kan la hre lova, finfiah tawh an awm pawh kan hre lo.

I.A.Y. Ohh.... TU KAN THA BER MAW!!

          Keini anga duang tan chuan thil han sawi leh han ziak ve te hi a inthlahrun awm viau nain ngaimawh zawng leh vei zawng hi chuan min tur ve miau si a, a chhan a lak in lo thiam a niang chu.
   
    Thawnthuah kan hmu a. Kehme tih a danglam avangin inhretawn miah silo in, inngaipawimawh tawn tak, inthlahlel tak chung siin an intawng fuh ta lo ang khan mihring ngaihdan inpersan tak tak te hian tha kan tih te, awm kan tih te hi ava inanglo hlawm tak em!! Ngaihdan a tam, pawmdan a tam, kal ngaihna hriatthiam a harsa ta. Ka thlirna tlang atangin ka ngaimawh zawng ka han thai lang ve teh ang. Ka thlirna hi a dik ber ka tihna chu a ni lo. Tlang dang atanga lo thlir ve thin in awm a nih pawhin rawn ziak ve teh u.
   
    Ka thil thlir chu hei hi a ni. Central Sawrkarin hmeithai/retheite insakna atan tanpuina a sem thin a, a lawmawm em em a ni. A scheme in a tum ber nia ka lo hriat dan chuan khawtlanga chenna tur in nei thalo, neih ve duh ngawih ngawih mahse harsatna hrang hrang avanga sa hlei theilote tan he tanpuina hi pek thin tur niin a lang. He central atanga pawisa lokal thin hi tute ta tur bik mah ni lovin, tu party ta mah a ni bik lo. A mamawhte ta tur a ni. MNF Ministry hunlai leh vawiin ni thleng hian a mamawh tak takte hian an dawng em? He zawhna hi mipuite, khawtlang hruaitu zawng zawngte leh keimah ngei pawhin ka chhan tur Question ni ta sela, mark engzat nge ka chhanna hian a hmuh ang? Heng zawhna atang hian Pass Mark kan hmu phak hlawm em? Full Mark chu kan khawtlangah hian han hawi vel ila, ‘a mamawh ngawih ngawih tu te hi chuan an hmu hrih lo’ / ‘an hmu bawk’ kan ti dawn em ni ang.?
   
    Mi tam tak rilru ah chuan heng te chu Ruling Party ta a ni a, Ruling Party lo chuan hmuh ve ngawt theih em ni ang kan ti a ni thei e. A dikna a awm ang. Amaherawhchu, India ram ropui tak a hruaitu ropui leh Politician ropui tak Indira Gandhi chuan “Dinhmun inang rengah chuan ka party chu ka duhsak ang.” a ti an ti thin. A dik hmel hle mai. Chuti a nih chuan han en reng reng pawha dinhmun inthlau lutuk angah te hi chuan a awm zawk pek thin hi mipuitling zia, a thlangtu tura Pathianin min ruatna a a rawngbawlna ropui tak a ni a, malsawmna leh chawimawina khumna kawng ngil tak a ni ngei ang.
   
    Tu te mai pawh hi fel lohna nei leh mi tlinglo te kan ni theuh tih hi kan pawm tlang thei em? Kan thiltih reng rengah hian felfamkim kan awm thei ang em? He ka thlirna hi Developments leh Contract hna lam a ni lo, Central atanga mirethei insakna lo kal thin IAY Scheme bik chauh hi a ni tih min lo hriat sak ka duh. In nei tha zawk leh khawsak awlsam zawk ten a harsa zawk leh chenna tur in nei thalo zawkte an dawn khalh leh tlat thinna hi hriatthiam harsa lai tak chu a ni thin. Helai hi kan khawtlang hruaitute, Party hruaitu zawng zawngte leh mipui te hian i zir chiang ang u. Hemi chungchangah hian rorel tawh eng party pawh hi kan khawtlangah hian inchhuang thei an awm ang em le.????

LAWMTHU (sawi, ba, etc..)

    Kan chhiat tawh chungchangah thenawm khaw vengin min khawngaihin min tanpui nasa hle mai a, in chungah :-
            (a)    lawmthu sawi kan ba a ni.
            (b)    lawmthu sawi kan duh a ni.
            (c)    lawmthu sawi tur kan nei tam hle mai.
            (d)    lawmthu kan sawi a ni.
            (e)    kan lawm takzet a ni.
    A chunga lawmthu sawi dan chi hrang hrang hi a mal te tein i han chhui zau teh ang :
    (a) Lawmthu sawi kan ba: In bat leh sawi ula ti nia. Lawmthu sawi si lo va, bat thu sawi ringawt chu leiba rul chuang si lo va, ‘‘I lei ka ba a ni’’ tih leh ngawt thin a ang deuh. Amaherawhchu, thil tha min tihsaktu, lawmthu kan hrilh duha tak chu a awm ve rih si lo va, mi dang hnenah sawi lan kan duh bawk si a nih chuan kan ba tih a dik theih hun chu a awm. e.g. ‘‘He kan thil tihna atan hian kan Prime Minister-in cheng sing nga lai min rawn thawn a, a chung lawmthu sawi kan ba nasa hle a, tawngkain kan lawmthu hrilh lo mah ila, Phone talin ka la hrilh ang chu.’’
    (b) Lawmthu sawi kan duh: In duh chuan sawi rawh u. Lawmthu hrilh i duha chu a awm a nih chuan sawi nghal mai a tha zawk, khek khek a tul lo.
    (c) Lawmthu sawi tur kan nei tam hle: In neih tam hle maw? Sawina chhan tur a tam a nih a rinawm zawk mang e. Sawi tur in nei tam a nih chuan sawi mawlh mawlh rawh u. Sawi si lo va, neih tam thu sawi ringawt a tawk lo deuh.
    (d) Lawmthu kan sawi a ni: Hei chu a ziaawm deuh hret. Hei pawh hi saptawng zia a la ni tho va, mahse sawisel chi ni tawh lo khawpin kan hmang nasa tawh a, hnawl bik chiah tawh lo ila a tha mai ang e.
    (e) Kan lawm takzet a ni: Hei ngei hi Mizo tawng ze dik tak chu a ni. ‘‘Kan lawm takzet’’ i tih chuan i lawm hle thu i saw a ni. Mahse a tha ber nia lang hi kan hmang tha duh hlawm si lo. Eng pawh ni se, a chunga lawmthu sawi dan hrang hrang kan sawiselte khi kan hmang a, kan pawm tlang vek a nih chuan a tha tho ve.
    Miin thil an pek chein eng nge i sawi thin? ‘‘ka lawm e’’ i tih thin, A dikin a tha reng a ni. Miin thil an pe che a, i dawn veleh-- ‘‘Lawmthu sawi ka ba e/lawmthu sawi ka duh/lawmthu sawi tur ka nei/lawmthu ka sawi e/lawmthu ka hrilh a che’’ tih ai chuan ‘‘Ka lawm e’’ i tih khan lawmthu i sawi a, a petu che chu lawmthu i hrilh a ni. ‘‘Ka pa, ka chawimawi a che’’ ti thin ta ila kan pate kan chawimawi em? ‘‘Chawimawi che ka duh,’’ ‘‘Chawimawi che ka ba’’ te ti ta ila. Chu aia chawimawi dan tha zawk a awm ngei ang.

ILLUMINATI

ILLUMINATI

Khawthlang ramah, a bikin US velah khuan tunhnai deuh atang khan Secret Society Illuminati tih hi a lar thar hle mai a. He pawl ah hian khawvela mi hausa ber ber te, mi lar tak takte leh pawl ropui tak tak, company lian tak takte an awm hlawm avang hian ngaihven a hlawh zual hle a ni. He pawl Illuminati in a tum ber chu khawvel pumpui hi Sorkar khat hnuaia daha khawvel chunga rorel a ni. Thil an ti theiin an chak si a, chuvangin inthlan te hian an campaign sak apiangte chu an tling deuh zel niin an sawi. Tin, he pawl tilar zualtu ber chu Setana hnena inthawi thin an nihna hi a ni. Setana chu pathian angin an bia a, a hnenah an inthawi thin a ni. Leihnuaiah khaw ropui tak an din a. He an khaw din pawh hi ropui tak a ni. Helai hmunah hian hunbi neiin an inkulh \hin. Helai a\anga kan lo hriat lar mi tam tak pawh hi he pawl ami te an awm nual mai. Zaithiam larte zingah Lady Gaga te, Jay-Z te, Eminem etc.. te hi he pawla mite an ni.